Transcription
1
Monsieur, j’ay receu deus de voz lettres, l’une de Voyron et l’aultre de Moueram, emsemble la
2
coppie de la lestre du roy, laquelle je communiqueray aus gentilhommes voysins d’icy qui
3
sont de la religion pretendue réfourmée. Le lieutenant du seneschal a faict Incontinant
4
publier en ceste ville l’ourdonnance que luy avés envoyé. Il n’est rien survenu de nouveau
5
en ces quartyers despuis la dernière despeche que je vous ay faict. Quant à Nismes, Je
6
m’asseure que vous en avés des advertissementz plus certain que toutz ceus que je vous
7
sauroys escrire. Au demeurant, Monsieur, je vous asseure que si Voysse m’eust tint
8
quelques propos qui eussent estées altiers, que nous ne nous fussions point despartys amys ;
9
s’ilz eussent aussi impourté tant soit peu le service du roy, je ne me fusse point faict ce
10
tourt de les vous seller. Quant aus passions siennes et de ces semblables, je me fie que
11
le temps les fera meuryr. J’ay faict tenyr seurement toutz les paquetz que m’avés envoyé à ceus
12
à qui ilz s’addressent. Nous sommes toutz en bonne santé, la graces à Dyeu, que sera l’endroit
13
où je salueray voz bonnes graces par mes très humbles recommandations, priant notre
14
seigneur vous donner
15
Monsieur, en très bonne santé, longue et hereuse vye. Au Monteilhimart, ce XIIIe d’octobre.
16
Vostre très humble, très hobéyssant filz
17
et à jamays serviteur
18
Hourche
19
Les deus dernières lettres que j’ay receu de vous, l’une est de Grenoble du VIIIe, l’aultre de Voyron du IXe. Je me failloys
20
de ce que j’escrivoys qu’il y en avoit une des deus dattée de Moueram. Je n’ay encoures eu la responce de la lettre qu’avés escrite à monsieur
21
de Monbrun. Comme je fermoys la présente, j’ay receu la lettre que monsieur de
22
Monbrun vous escrit, laquelle je vous envoye. Il vous plairra, monsieur,
23
faire tenyr à monsieur de Chastelart la lettre que je luy escrys.